Студентски искуства: Мила Спасовска – Моден дизајн
Интервју: Мила Спасовска, студент на Академијата за моден дизајн
Разговараме со Мила Спасовска, студент на Академијата за моден дизајн
Студентски искуства: Мила Спасовска – Моден дизајн
I am a heading
Би можело да кажеме дека имаш уметничка позадина, свириш на обоа. Како се реши да направиш ваква професионална промена и да се одлучиш за Академијата за моден дизајн?
Не би го дефинирала како професионална промена туку би рекла дека се сметам за отворена кон сите уметности. Академијата ми помогна во изборот и начинот на кој јас можам да продолжам да творам.
Во моментов работиш на остварувањето на својот сон или започнување на свој бизнис - сопствен моден бренд. Како Академијата за моден дизајн ти помогна да го оствариш твојот сон? Со какви професионални предизвици се соочуваш и како се справуваш со нив?
Не сакам да звучам скромно, а и преамбициозно, зошто сметам дека тоа би ме натерало на некакво предвремено, нецелосно задоволство. Затоа кога збориме за остварување на мојот сон мислам дека сум на самиот почеток. Академијата ми постави многу прашања, а со нив и влегов во модниот свет.
Предизвиците се на моменти банални, а на моменти суштествени и тоа ми создава поголем интерес. Соочувањето е само дел од уметноста. Сметам дека процесот на работа е најголемото задоволство, а наоѓање на тимот е тоа што најмногу ме плаши, сепак тоа што ја обликува оваа работа вклучува односи, соработка и отворена комуникација со многу луѓе, затоа ентузијазмот е тој што ме води.
Најмногу научив на часот по моден дизајн кај...
Неисцрпниот професор Никола Ефтимов.
Македонски моден дизајнер на кого му се восхитувам...
Mariguccha
Академијата за моден дизајн најмногу ми помогна...
Да согледам дека модата е најубавото бојно поле.
Мојот личен стил би го дефинирала како...
“Texsture of my mind”